کراچی:
عالمی سطح پر بڑھتی ہوئی ڈیمانڈ اور ہوشربا قیمتوں کے باعث سونا عوام کی دسترس سے بتدریج دور ہوتا جارہا ہے۔
بین الاقوامی بلین مارکیٹ میں فی اونس سونے کی قیمت مزید 10ڈالر کے اضافے سے 3ہزار 357ڈالر کی سطح پر آنے سے مقامی صرافہ مارکیٹوں میں منگل کو بھی سونے کی قیمتوں میں اضافے کا تسلسل برقرار رہا ۔
24 قیراط کا حامل فی تولہ سونے کی قیمت 1ہزار روپے کے مزید اضافے سے 3لاکھ 54ہزار 100روپے کی سطح پر آگئی اور فی دس گرام سونے کی قیمت بھی 857روپے بڑھ کر 3لاکھ 3ہزار 583روپے کی سطح پر آگئی۔
اسی طرح فی تولہ چاندی کی قیمت 130روپے کے اضافے سے 3ہزار 586روپے اور دس گرام چاندی کی قیمت بھی 112روپے کے اضافے سے 3ہزار 084روپے کی سطح پر آگئی۔
