وزیرِاعظم شہباز شریف نے پی پی 52 سیالکوٹ کے ضمنی انتخابات میں مسلم لیگ نواز کی کامیابی پر اظہار تشکر کرتے ہوئے کہا ہے کہ سیالکوٹ کے عوام کا ن لیگ کے حق میں ووٹ ان کے حکومت پر اعتماد کا اظہار ہے۔
وزیرِاعظم شہباز شریف نے کہا کہ کامیابی نواز شریف کی بےمثال قیادت، مریم نواز کی پنجاب کی ترقی کےلیے محنت کا ثمر ہے۔
وزیرِاعظم نے اس کامیابی پر قائد نواز شریف، وزیرِاعلیٰ پنجاب مریم نواز کو مبارکباد پیش کی ہے۔
وزیرِاعظم شہباز شریف نے حلقہ پی پی 52 سیالکوٹ میں ن لیگ کی امیدوار حناء ارشد وڑائچ، پارٹی قیادت اور کارکنان کو بھی مبارکباد دی ہے۔
وزیرِ اعظم نے کہا ہے کہ سیالکوٹ کے عوام کی ن لیگ سے والہانہ محبت اور اعتماد پر انکے شکر گزار ہیں، سیالکوٹ کے عوام کا ن لیگ کے حق میں ووٹ انکے حکومت پر اعتماد کا اظہار ہے۔
