پاکستان پیپلز پارٹی (پی پی پی) کے چیئرمین بلاول بھٹو زرداری پاکستان کا مؤقف دنیا کے سامنے پیش کرنے کیلئے نیو یارک پہنچ گئے، جہاں سے انہوں نے اپنا پیغام بھی شیئر کردیا۔
سماجی رابطے کی ویب سائٹ ایکس پر جاری اپنے ویڈیو بیان میں بلاول بھٹو زرداری نے کہا کہ میں نیو یارک پہنچ گیا ہوں، اقوام متحدہ میں پاکستان کی آواز بنوں گا۔
بلاول بھٹو زرداری نے کہا کہ میں دنیا کو بتانے آیا ہوں کہ ہم کشمیر کے عوام کے ساتھ ہیں، ان کا حق خود اداریت کوئی چھین نہیں سکتا، پانی ہماری زندگی ہے، اس پر زبردستی قبول نہیں، سندھو پر حملہ نامنظور۔
پی پی پی چیئرمین نے کہا کہ ہم ہر قسم کی دہشتگردی کے خلاف ہیں، لیکن کسی کو بھی اس بہانے ہماری سرحدوں کو نقصان پہنچانے نہیں دیں گے۔
بلاول بھٹو نے مزید کہا کہ پاکستان امن چاہتا ہے، عزت اور برابری کے ساتھ یہ ہمارا واضح پیغام ہے۔
