نوشہرو فیروز میں سابق ایس ایچ او ہالانی سمیت 10 اہلکاروں کے خلاف ہالانی تھانے میں مقدمہ درج کر لیا گیا۔
نوشہرو فیروز پولیس کے مطابق مقدمہ ایڈیشنل سیشن جج کنڈیارو کے حکم پر درج کیا گیا ہے۔
یہ مقدمہ خاتون مومل ہالیپوٹو کی مدعیت میں درج کیا گیا۔
مقدمے کے متن کے مطابق 19مارچ کو ایس ایچ او اور اہلکار گھر میں بغیر وارنٹ داخل ہوئے۔
مقدمے کے متن میں کہا گیا ہے کہ اہلکار زیورات اور رقم لوٹ کر فرار ہو گئے تھے۔
مقدمے کے متن میں یہ بھی کہا گیا ہے کہ بیٹے اور شوہر کو غیر قانونی طور پر گھر سے گرفتار کیا گیا ہے۔
