محبت کی شادی کے لیے پاکستان آنے والی 33 سالہ امریکی خاتون اونیجا رابنسن بھی پاکستانی کھانوں کی دیوانی نکلیں۔
مشہور امریکی اونیجا رابنسن نے حالیہ انٹرویو میں پاکستان، اس کے عوام اور ثقافت سے اپنی گہری محبت کا اظہار کیا ہے۔
اونیجا نے ایک انٹرویو میں بتایا کہ مجھے پاکستانی کھانوں سے بھی بے حد لگاؤ ہے۔
چکن بریانی میرا پسندیدہ ترین پکوان ہے، اس کے بعد انڈہ پراٹھا اور چکن قیمہ بھی ٹاپ لسٹ میں شامل ہیں۔
ان کا کہنا ہے کہ مجھے ہلکے ذائقے بھی پسند ہیں اور تیز مصالحے دار کھانے بھی۔
اونیجا نے کہا کہ پاکستان صرف ایک جگہ نہیں، یہ ایک احساس ہے جو میرے دل میں بسا ہوا ہے، یہاں کے لوگ، یہاں کی ثقافت، یہاں کی مہمان نوازی سب کچھ مجھے آج بھی یاد ہے۔
