پاکستان ڈرامہ و فلم انڈسٹری کی معروف اداکارہ و خوبرو ماڈل نیلم منیر کے بدلے ہوئے لہجے اور خدو خال نے مداحوں کو شش و پنج میں ڈال دیا ہے۔
اداکارہ نیلم منیر نے شادی کے بعد پہلی بار نجی ٹی وی چینل کی خصوصی ٹرانسمیشن میں شرکت کی۔
اداکارہ نے گزشتہ شب سیاہ لباس پہنے پاکستان سپر لیگ 10 کے فائنل میچ سے متعلق شو میں دیگر فنکاروں کے ساتھ لائیو شو میں شرکت کی اور متعدد سوالات کے دلچسپ جواب دیے۔
اداکارہ نیلم منیر کو لائیو ٹرانسمیشن کے دوران اپنے پیٹ کو بازوؤں سے چھپاتے اور منفرد لہجے میں بات کرتے ہوئے دیکھا گیا۔
نیلم منیر کے اس انٹرویو سے ویڈیوز کا سوشل میڈیا پر آنا ہی تھا کہ پوسٹس کے کمنٹس باکس میں متعدد چہ مگوئیوں اور افواہوں نے جنم لے لیا۔
صارفین کا نیلم منیر کے اس انٹرویو سے متعلق کہنا تھا کہ اداکارہ جلد ماں بننے والی ہیں، یہی وجہ ہے کہ شو کے دوران اداکارہ نیلم اپنی جسامت کیمرے سے چھپاتی نظر آئیں۔
دوسری جانب متعدد صارفین نے نیلم منیر کے بدلے ہوئے لہجے پر تبصرہ کرتے ہوئے کہا ہے کہ اداکارہ نے پہلے کبھی بناوٹی لہجہ اختیار نہیں کیا۔
صارفین جہاں نیلم منیر کے بدلے ہوئے لہجے پر حیران و پریشان نظر آ رہے ہیں وہیں ان کا اداکارہ سے متعلق پیش گوئی کرتے ہوئے کہنا تھا کہ ان کی پسندیدہ شخصیت ماں بننے والی ہیں۔
