لاہور:
گروپ ایڈیٹر ایکسپریس ایاز خان کا کہنا ہے کہ پارلیمانی کمیٹی کی تجویز بڑی امپورٹنٹ ہے اس کی وجہ یہ ہے کہ ہم اس پر ڈسکس کر رہے ہیں کہ اس وقت ماحول بنا ہوا ہے ہم آہنگی کا، پوری قوم بھی آپ کو ایک پیج پر نظر آتی ہے، ظاہر ہے جب ملکی دفاع کا ایشو ہو گا ایڈیا کی جارحیت ہو گی تو اس قوم کااسی طرح کا رسپانس آئے گا اس میں تو کئی شک نہیں ہے۔
ایکسپریس نیوز کے پروگرام ایکسپرٹس میں گفتگو کرتے ہوئے انھوں نے کہاکہ ایک تشویش کی لہر مجھے نہیں پتہ کیوں (ن) لیگ کی صفوں میں اس وقت بڑی تیزی اور شدت سے دوڑ رہی ہے، ایک عجیب سا خوف مجھے (ن) لیگ کی صفوں میںاس وقت دوڑتا ہوا نظر آ رہا ہے۔
تجزیہ کار فیصل حسین نے کہا کہ اس وقت ہماری جو فوجی لیڈرشپ ہے اس کی گفتگو اور عمل میں کوئی فرق نہیں ہے، استعداد ہے اس کے حوالے سے فوجی لیڈر شپ کے جو جو دعوے ہیں وہ بالکل سو فیصد درست ثابت ہوئے ہیں۔
تجزیہ کار خالد قیوم نے کہا کہ جس طرح بھارت کے ساتھ جنگ میں پوری قوم، چوبیس کروڑ عوام، اور پاکستان کی تمام سیاسی جماعتیں اپنے اختلافات کے باوجود افواج پاکستان کے ساتھ کھڑی تھیں، سیاسی جماعتوں کے درمیان مفاہمت کا ایک ماحول تھا، یکجہتی اور اتحاد کا ایک پیغام گیا میں سمجھتا ہوں کہ اب بھی پارلیمان کے اندر ایک پارلیمانی کمیٹی ضرور تشکیل ہونی چاہیے۔
تجزیہ کار عامر الیاس رانا نے کہا کہ دیکھیں بات یہ ہے کہ کور کمانڈرز نے سیاسی قیادت کے جو دوراندیشی ہے اور اس کی رہنمائی کو خراج تحسین پیش کیا ہے، ساتھ ہی انھوں نے کہا کہ پاکستان کے عوام ہماری طاقت کا سرچشمہ ہیں، تجزیہ کار محمد الیاس نے کہا کہ دہشت گردی سے نمٹنے کے لیے پارلیمانی کمیٹی کی اس وقت جو تجویز سامنے آئی ہے یہ بڑی اہم بات ہے کیونکہ اس وقت پوری قوم ایک پیج پر ہے، پوری قوم ایک ساتھ ہے، پاک فوج کے ساتھ ہے۔
