لاہور کے علاقے گرین ٹاؤن میں موٹرسائیکل پر سوار اوباش ملزم کی کم عمر بچیوں کے ساتھ زبردستی سرراہ نازیبا حرکات کرنے کی ویڈیو سامنے آگئی۔
گرین ٹاؤن کے علاقے میں موٹرسائیکل سوار نے گلی سے گزرنے والی دو بچیوں کو ہراساں کیا اور اُن کے ساتھ نازیبا حرکات کیں۔
موٹرسائیکل سوار بچیوں کا تعاقب کرتا ہوں گلی میں آیا اور پھر ایک بچی کے ساتھ نازیبا حرکات کیں اور بچی کے شور مچانے پر پیچھے ہٹا تاہم گلی میں کسی کو آتا نہ دیکھ کر پھر سے گھناؤنی حرکت کی۔
پولیس نے سی سی ٹی وی فوٹیج سامنے آنے کے بعد ملزم کی شناخت اور گرفتاری کیلیے اقدامات شروع کردیے۔
دوسری جانب ڈی آئی جی آپریشن فیصل کامران نے واقعے کا نوٹس لیتے ہوئے ملزم کی گرفتاری کیلیے ایس پی صدر کی سربراہی میں ٹیم تشکیل دے دی جس میں ڈی ایس پی گرین ٹاؤن کو بھی شامل کیا گیا ہے۔
پولیس کا کہنا ہے کہ ملزم کی گرفتاری کے لیے کلوزسرکٹ فوٹیج کی مدد سے روٹ ٹریکنگ کر کے شناخت معلوم کرلی گئی ہے جبکہ مزید ڈیجیٹل شواہد پر کام جاری ہے۔
پولیس نے یقین دہانی کرائی ہے کہ جنسی درندے کو جلد قانون کی گرفت میں لایا جائے گا۔
