کرکٹ کی دنیا کے سپر اسٹار اور لیجنڈز شارجہ کے تاریخی میدان پر پاکستان میں مشہور کرکٹ فارمیٹ ٹیپ بال کھیلنے جمع ہوگئے ہیں۔
پاکستان کے سابق کپتان کرکٹ لیجنڈ انضمام الحق اور شاہد آفریدی بھی ٹیپ بال سے کرکٹ ایکشن میں نظر آرہے ہیں۔
اس دوران سری لنکا کے تلکارتنے دلشان بھی کرکٹ بیٹ تھامنے کو تیار ہیں۔
انضمام الحق نے جیو نیوز کو بتایا کہ پاکستان میں کرکٹر کبھی نہ کبھی ٹیپ بال ضرور کھیلتا ہے، انہوں نے پروفیشنل کرکٹ سے ٹیپ بال کھیل کر کوئی انہونا یا ریوریس قدم نہیں اُٹھایا بلکہ یہ کرکٹ نئے ٹیلنٹ کو تلاش کرنے میں مدد دے گی۔
شاہد آفریدی بھی کرکٹ کھیلنے کیلئے پرجوش نظر آئے اور انہوں نے کہا کہ کرکٹ کا آغاز ٹیپ بال سے کیا اب دوبارہ یہ کرکٹ شارجہ کے تاریخی میدان میں کھیل رہا ہوں۔
سری لنکن دلشان کا خیال کہ نیا ٹیپ بال فارمیٹ جلد عالمی افق پر نمودار ہونے جارہا ہے جہاں ماضی کے اسٹارز کے ساتھ نوجوانوں کو کھیلنے کا موقع ملے گا۔
پاکستان کرکٹ اسٹار محمد حفیظ، سہیل تنویر، تیسرا کے موجد سعید اجمل، عمران نذیر، شرجیل خان، عمر اکمل بھی شارجہ کے میدان میں اتر چکے ہیں۔
