پاکستان کرکٹ بورڈ (پی سی بی) نے بنگلادیش کے خلاف ٹی ٹوئنٹی سیریز کے شیڈول کا اعلان کر دیا۔
پی سی بی نے بنگلادیش کے خلاف 3 ٹی ٹوئنٹی میچوں کی سیریز کےلیے نظرثانی شدہ شیڈول کا اعلان کر دیا۔
دونوں ٹیموں کے درمیان سیریز 28 مئی سے یکم جون تک لاہور کے قذافی اسٹیڈیم میں کھیلی جائے گی، تینوں میچز مقامی وقت کے مطابق رات 8 بجے شروع ہوں گے۔
سیریز کا پہلا میچ 28 مئی کو کھیلا جائے گا اور دوسرا میچ 30 مئی بروز جمعہ کو ہوگا جبکہ تیسرا اور آخری ٹی ٹوئنٹی انٹرنیشنل اتوار یکم جون کو کھیلا جائے گا۔
بنگلادیش کی ٹیم 25 مئی کو لاہور پہنچے گی، سیریز سے قبل 26 اور 27 مئی کو بنگلادیش کی ٹیم ٹریننگ سیشنز میں حصہ لے گی۔
