لاہور:
گروپ ایڈیٹر ایکسپریس ایاز خان کا کہنا ہے کہ مبارک باد سید عاصم منیر کو پاکستان کے دوسرے فیلڈ مارشل وہ بنے ہیں، ایوب خان صاحب کے بارے میں چونکہ کہا جاتا تھا کہ انھوں نے خود اپنے آپ کو فیلڈ مارشل بنا دیا تھا اس کی کنٹروورسی بھی رہی، اب چونکہ گورنمنٹ نے اور کیبنٹ نے اس کی اپروول دی ہے اس لیے ظاہر ہے، نو ڈاؤٹ جس طرح سے ہم نے انڈیا کو مارا وہ کوئی چھوٹی بات نہیں تھی، بہت بڑی بات تھی اور میرے جو چھوٹے قائد ہیں ہمیشہ کام بھی بڑے بڑے کرتے ہیں جب وہ کرنے پہ آئیں اور انھوں نے آج پھر کر کے دکھا دیا۔
ایکسپریس نیوز کے پروگرام ایکسپرٹس میں گفتگو کرتے ہوئے انھوں نے کہا کہ نریندر مودی کے ساتھ جو ہو گئی ہے اس سارے ایپیسوڈ میں وہ بھی بے مثال ہے۔
تجزیہ کار فیصل حسین نے کہا کہ جس طرح قوم اس فیصلے کو ویلکم کر رہی ہے اس سے لگ رہا ہے کہ قوم یہی چاہ رہی تھی، وفاقی کابینہ نے جو فیصلہ کیا ہے وہ قوم کے دل کی آواز ہے، اس کا سب سے بڑا ثبوت یہ ہے کہ اس وقت سوشل میڈیا پہ ٹویٹر کو جو نمبر ون ٹرینڈ ہے وہ فاتح حق فیلڈ مارشل عاصم منیر ہے، یہ ایک ریفرنڈم ہے یہ جو ٹویٹر پہ ریفرنڈم چل رہا ہے قوم کی طرف سے اس کو ریفرنڈم سمجھیں جو انھوں نے عاصم منیر کے حق میں دیا ہے اور قوم نے ان کو فیلڈ مارشل کے ساتھ فاتح حق کا بھی لقب دے دیا ہے۔
تجزیہ کار نوید حسین نے کہا کہ فیلڈ مارشل فوج میں سب سے بڑا عہدہ ، فائیو اسٹار جنرل دیا کس کو جاتا ہے، یعنی کوئی ایکسٹرا آرڈنری اچیومنٹ کی جائے اور وہ بھی وار ٹائم ایکسٹرا آرڈنری اچیومنٹ سامنے آئے تو وار ٹائم میں جنرل عاصم منیر کی جو اچیومنٹ ہے نو ڈاؤٹ بہت اچیومنٹ ان دی سینس کہ آپ دیکھیں پوری دنیا نے، پوری دنیا جو ہے وہ لگی رہی کہ پاکستان ڈی ایسکلیٹ کرے، پاکستان جواب نہ دے ہمارے اس پروگرام میں بھی بیٹھ کر یہ باتیں کہی جا رہی تھیں کہ جواب نہیں دینا چاہیے ہمیں مذاکرات اور مصلحت کی طرف جانا چاہیے اس وقت بھی میں نے کہا تھا کہ نہیں جواب جو ہے وہ ضروری ہے۔
تجزیہ کار عامرالیاس رانا نے کہا کہ دیکھیں فیلڈ مارشل سید عاصم منیر اور ان کو مبارک باد ہماری طرف سے بھی کیونکہ یہ ان کو ایک ایسا عہدہ ملا ہے جو جنگ جیت کر ملا ہے، یہ گھر میں جنگ نہیں جیتی ،یہ دشمن کو گھر میں گھس کہ مار کر جنگ جیتی ہے اور اس کا اعلان ہم نے نہیں کیا، ہماری ڈی جی آئی ایس پی آر احمد شریف چوہدری نے کہا تھا کہ دنیا بتائے گی، ہم نہیں بتائیں گے، ہم نے کہا تھا کہ ہمارا رسپانس جا رہا ہے، انتظار کرو، دنیا نے بتایا دنیا نے دیکھا اور مانا، میری طرف سے تمام مسلح افواج کو مبارک باد اور پوری قوم کو مبارکباد۔
تجزیہ کار محمد الیاس نے کہا کہ واقعی مبارک باد کے مستحق ہیں، ہمارے چیف آف آرمی سٹاف کو فیلڈ مارشل کا رینک دیا گیا ہے بلاشبہ جس بنیاد پر دیا گیا ہے عالمی سطح پر ان کی رینکنگ ہے، انھوں نے ایک ایسی جنگ لڑی ہے، جس میں اپنے ملک کا 1965کے بعد جو صورت حال ہے کہ پاکستان کا نقصان کم ہے اور دشمن ملک کا زیادہ ہے، اس کا اعتراف سب ممالک اور عالمی میڈیا نے کیا ہے کہ پاکستان کا جو شمار ہوتا ہے کہ بہت بہتر ہے کہ پاکستان نے اپنا نقصان نہ ہونے کہ اور ایک ایسی جنگ لڑی ہے جو ففتھ جنریشن سے بھی بڑھ کر ہے۔
