(اشرف خان)انٹربینک اور اوپن مارکیٹ میں روپے کے مقابلے میں ڈالر مہنگا ہوگیا۔
درآمدی بل کی طلب پر روپے کی قدر میں کمی ہو گئی، سٹیٹ بینک آف پاکستان کے مطابق انٹربینک میں ڈالر 5 پیسے مہنگا ہوگیا،انٹربینک میں ڈالر 281.92 روپے سے بڑھ کر 281.97 روپے پر بند ہوا۔
ماہرین کاکہنا ہے کہ درآمدی بل 5 ارب 60 کروڑ ڈالر پر پہنچنے پر ڈالر کی طلب دیکھی جارہی ہے ۔
دوسری جانب اوپن مارکیٹ میں امریکی ڈالر 1 پیسے بڑھ کر 284 روپے،یورو 2.38 روپے مہنگا ہوکر 322.74 روپے، برطانوی پاؤنڈ 2.49 روپے مہنگا ہوکر 383.14 روپے پر پہنچ گیا۔
اوپن مارکیٹ میں یو اے ای درہم 77.50 روپے، سعودی ریال 75.80 روپے پر برقرارہے۔
یہ بھی پڑھیں:بھارت کا ایک اور پاکستانی سفارتکار کو ملک چھوڑنے کا حکم، کیا الزام عائد کیا؟جانیے
