کراچی(اسٹاف رپورٹر) انٹرنیشنل کرکٹ کونسل کا سالانہ جنرل اجلاس 7 سے 10 جولائی تک سنگا پور میں ہوگا۔ اجلاس بہت اہمیت کا حامل ہے کیونکہ یہ بھارت اور پاکستان کے درمیان جنگ کے بعدہوگا۔ کرکٹ کے میدان میں کسی بھی شکل میں روایتی حریف پاکستان کے مدمقابل ہونے میں بھارت کی ہچکچاہٹ کے بارے میں کافی قیاس آرائیاں کی جارہی ہیں۔ بھارتی کرکٹ بورڈ نے پیر کو باضابطہ طور پر پاکستان کے ساتھ نہ کھیلنے کے کسی بھی فیصلے کی تردید کی۔
