امریکی وزیر خارجہ مارکو روبیو کا کہنا ہے کہ ایران کے ساتھ جوہری معاہدہ کرنا آسان نہیں ہوگا، مذاکرات میں بات چیت ایران کی افزودگی صلاحیتوں پر مرکوز رہی ہے۔
انھوں نے کہا کہ ایران کو امن اور خوشحالی کے راستے کی پیش کش کر رہے ہیں، یہ آسان نہیں ہوگا لیکن ہم مذاکراتی عمل میں مصروف ہیں۔
امریکی سینیٹ کی خارجہ امور کمیٹی میں پیشی کے دوران مارکو روبیو کا کہنا تھا کہ امریکا نے لیبیا سے غزہ کے فلسطینیوں کی بے دخلی پر بات چیت نہیں کی۔
امریکی وزیر خارجہ نے کہا کہ امریکا نے دوسرے علاقائی ممالک سے غزہ کے فلسطینیوں کو رضاکارانہ طور پر بسانے کی بات کی تھی۔
انھوں نے مزید کہا کہ ہم غزہ میں خوراک کی فراہمی کی بحالی پر خوش ہیں، آنے والے دنوں میں غزہ میں مزید امدادی ٹرک جائیں گے۔
