( 24 نیوز )جو خواب کبھی صرف فلموں اور کہانیوں میں دکھائی دیتا تھا اب حقیقت کا روپ دھارنے جا رہا ہے۔ سلواکیہ کی کمپنی ”Klein Vision“ نے اعلان کیا ہے کہ دنیا کی پہلی ماس پروڈکشن فلائنگ کار ”ائیر کار“ کے اوائل میں فروخت کے لیے پیش کی جائے گی۔
یہ دو نشستوں پر مشتمل جدید گاڑی جو دیکھنے میں ایک اسپورٹس کار جیسی ہے، دو پروں کے ساتھ تیار کی گئی ہے جو صرف دو منٹ میں باہر نکل آتے ہیں اور لینڈنگ کے بعد دوبارہ باڈی میں محفوظ ہو جاتے ہیں۔ رفتار حاصل کرنے کے بعد یہ گاڑی رن وے پر دوڑتی ہے اور پھر آسمان کی طرف پرواز کر جاتی ہے۔
ائیر کار ایک پٹرول پر چلنے والی ہائبرڈ گاڑی ہے جو 18,000 فٹ کی بلندی تک دو افراد کو لے جا سکتی ہے۔ اس میں نصب پروپیلر اسے 124 میل فی گھنٹہ کی رفتار سے رن وے پر دوڑنے دیتا ہے جبکہ ہوا میں یہ 155 میل فی گھنٹہ کی رفتار سے پرواز کر سکتی ہے۔
یہ بھی پڑھیں:گرمی کی شدت میں اضافہ،وزیر تعلیم پنجاب کا گرمیوں کی چھٹیوں سے متعلق اہم بیان
کمپنی کے بانی اسٹیفن کلین نے کہا کہ ائیر کار ایک خواب کی تکمیل ہے جو ذاتی ہوائی سفر کو عام لوگوں کی دسترس میں لانے کے لیے ایک انقلابی قدم ہے۔ ہم سڑک اور فضا کو ایک نئی جہت میں جوڑ رہے ہیں۔“
کلین وژن کے مطابق ائیر کار کی ابتدائی قیمت 8 لاکھ ڈالر (تقریباً 22 کروڑ روپے پاکستانی) سے شروع ہو کر 1 ملین ڈالر (تقریباً 28 کروڑ روپے پاکستانی) تک جا سکتی ہے جس کا انحصار انجن کی طاقت اور فیچرز پر ہوگا۔ تین انجن آپشنز دستیاب ہوں گے: 280، 320 اور 340 ہارس پاور۔
ائیر کار کے نئے ورژن ”ائیر کار 2“ پر بھی کام جاری ہے جس کی پہلی پرواز ستمبر 2025 میں متوقع ہے۔ کمپنی کے مطابق پرومو تصاویر اس کی جدید ڈیزائن کی جھلک دکھا رہی ہیں۔
ماہرین کا ماننا ہے کہ فلائنگ کارز کا عالمی مارکیٹ 2040 تک 1 ٹریلین ڈالر اور 2050 تک 9 ٹریلین ڈالر تک پہنچ جائے گا۔ یہ نئی ٹیکنالوجی زمین پر ٹریفک کا بوجھ کم کرے گی اور فضائی راستے کو استعمال میں لا کر سفر کو تیز تر بنائے گی۔
