(24نیوز) بنگلہ دیشی اداکارہ نصرت فاریہ جو بنگ بندھو کی زندگی پر بننے والی فلم ‘مجیب: دی میکنگ آف اے نیشن’ میں شیخ حسینہ کے کردار کے لیے جانی جاتی ہیں کو ڈھاکہ کے حضرت شاہ جلال انٹرنیشنل ایئرپورٹ پر گرفتار کر لیا گیا۔
میڈیا رپورٹس کے مطابق نصرت کو حکومت مخالف مظاہروں سے منسلک قتل کی کوشش کے مقدمے میں مبینہ طور پر ملوث ہونے کے الزام میں گرفتار کیا گیا تھا، گزشتہ سال جولائی کی بغاوت کے دوران دارالحکومت کے وتارا علاقے میں ایک طالب علم کے قتل کی مبینہ کوشش کے الزام میں نصرت سمیت 17 اداکاروں کے خلاف مقدمہ درج کیا گیا تھا،اداکارہ کو آج صبح ایئرپورٹ پر امیگریشن چوکی پر اس وقت گرفتار کیا گیا جب وہ تھائی لینڈ جانے والی تھیں۔
وتارا پولیس سٹیشن کے انسپکٹر سوجن حق نے بتایا کہ اسے آج سہ پہر گرفتار کیا گیا، ان کا کہنا تھا کہ ہماری ٹیم امیگریشن پولیس کی معلومات کی بنیاد پر اسے لینے کے لیے ہوائی اڈے پر گئی تھی،کچھ دن پہلے ایک عدالت نے اس کے خلاف قتل کی کوشش کا مقدمہ منظور کیا، اسے اس معاملے میں گرفتار دکھایا گیا ہے،پولیس نے بتایا کہ یہ مقدمہ 2024 میں امتیازی سلوک مخالف سٹوڈنٹ موومنٹ کے احتجاج کے دوران پولیس سٹیشن میں درج کیا گیا تھا۔
نصرت نے اپنی اداکاری کا آغاز فلم عاشقی (2015) سے کیا، جہاں انہوں نے انکش ہزارہ کے ساتھ مرکزی کردار ادا کیا، یہ فلم تجارتی طور پر کامیاب رہی،اس نے کئی دیگر کامیاب فلموں میں بھی کام کیا جیسے ہیرو 420 (2016)، بادشاہ – دی ڈان (2016)، پریمی او پریمی (2017) اور باس 2: بیک ٹو رول (2017)۔
انہوں نے 2023 میں ریلیز ہونے والی ‘مجیب: دی میکنگ آف اے نیشن’ میں شیخ حسینہ کا کردار ادا کیا، یہ بنگلہ دیش کے بانی اور پہلے صدر شیخ مجیب الرحمان کی زندگی پر مبنی تھی جو بنگ بندھو کے نام سے مشہور ہیں،یہ بنگلہ دیش اور بھارت کے درمیان مشترکہ پروڈکشن تھی،اس فلم کے ہدایت کار شیام بینیگل تھے اور اس میں عارفین شوو نے مرکزی کردار ادا کیا تھا۔
فاریہ نے اس وقت کہا تھا کہ انہیں یقین نہیں آرہا تھا کہ انہیں عوامی لیگ کے رہنما کی تصویر کشی کرنے کا موقع ملا ہے،اداکارہ نے کہا کہ جب مجھے اس کے بارے میں معلوم ہوا تو میں اپنے ملک کا خوش قسمت ترین شخص محسوس کرتی ہوں کیونکہ اس سے پہلے کسی نے بھی ان کا کردار آن سکرین نہیں کیا ہے، مجھے نہیں معلوم کہ مستقبل میں کوئی ایسا کرے گا یا نہیں۔
یہ بھی پڑھیں : چودھری پرویزالٰہی کی پی آئی سی آمد، شاہ محمود قریشی کی عیادت کی
