پاکستان سپر لیگ ( پی ایس ایل) سیزن 10 کے آخری لیگ میچ میں اسلام آباد یونائیٹڈ نے کراچی کنگز کو جیت کےلیے 252 رنز کا ہدف دے دیا ہے۔
راولپنڈی کرکٹ اسٹیڈیم پر کھیلے جارہے میچ میں دفاعی چیمپئن اسلام آباد یونائیٹڈ نے مقررہ 20 اوورز میں 5 وکٹ پر 251 رنز اسکور کیے۔
یونائیٹڈ کی طرف ایلکس ہیلز نے 88 جبکہ صاحبزادہ فرحان نے 73 رنز کی برق رفتار باری کھیلی ، دونوں نے بیٹنگ کے دوران 11 چھکے اور 15 چوکے لگائے ،اس دوران 153 رنز کی شراکت بھی قائم کی ۔
کپتان شاداب خان نے 42، سلمان علی آغا نے 7 اور وین ڈرڈوسن نے 1 بناکر پویلین لوٹ گئےجبکہ حیدر علی 19 اور بین ڈوار شوئس نے 10 رنز کی ناقابل شکست اننگز کھیلی۔
کراچی کنگز کے دو اسٹار بولر حسن علی اور عباس آفریدی کوئی وکٹ نہ لے سکے جبکہ میر حمزہ ، عامر جمال اور خوشدل شاہ نے 1،1 وکٹ اپنے نام کی۔
میچ میں کراچی کنگز نے ٹاس جیتا تھا اور اسلام آباد یونائیٹڈ کو بیٹنگ کی دعوت دی تھی، میچ میں دونوں ٹیموں کی قیادت ڈیوڈ وارنر اور شاداب خان کر رہے ہیں۔
فی الحال پوائنٹس ٹیبل پر 15 پوائنٹس کے ساتھ کوئٹہ گلیڈی ایٹر پہلے، 12 پوائنٹس کے ساتھ کراچی کنگز دوسرے نمبر پر ہے۔
آج کے میچ میں کراچی کنگز کی فتح کی صورت میں پہلا کوالیفائر کوئٹہ گلیڈی ایٹرز اور کراچی کنگز کے درمیان 21 مئی کو کھیلا جائے گا۔
اسلام آباد یونائیٹڈ کے پوائنٹس ٹیبل پر 10 پوائنٹس ہیں، میچ میں فاتح ہونے پر اس کے کوئٹہ گلیڈی ایٹرز سے پہلا کوالیفائر کھیلے کے امکانات بڑھ جائیں گے۔
میچ میں اسلام آباد کی فائنل الیون میں صاحبزادہ فرحان، وین ڈرڈوسن، ایلکس ہیلز، حیدر علی، سلمان علی آغا، محمد غازی غوری، شاداب خان، عماد وسیم، بین ڈورشوئس، سلمان ارشاد اور ٹائمل ملز شامل ہیں۔
کراچی کنگز کی طرف سے ٹیم سیفرٹ، جیمز ونس، ڈیوڈ وارنر، خوشدل شاہ، سعد بیگ، عرفان نیازی، عامر جمال، محمد نبی، عباس آفریدی، حسن علی اور میر حمزہ میدان میں اتر رہے ہیں۔
