ٹرمپ انتظامیہ نے بھارتی شہریوں پر امریکی سر زمین تنگ کر دی، امریکا نے بھارتی شہریوں کومتنبہ کیا ہے کہ ویزا مدت سے زائد قیام پر انہیں ملک بدری اور مستقل سفری پابندی کا سامنا کرنا پڑے گا۔
ٹرمپ انتظامیہ نے بھارتی شہریوں پر امریکی سر زمین تنگ کرتے ہوئے ملک سے نکالنے کی دھمکی دے دی، واضح کیا کہ امریکا میں قوانین کی خلاف ورزی برداشت نہیں کی جائے گی۔
امریکی سفارت خانے کے مطابق امریکا میں ویزے کی مقررہ مدت سے زائد قیام کرنے والوں کو ملک بدری کے ساتھ مستقبل میں امریکا کے سفر پر مستقل پابندی کا سامنا کرنا پڑ سکتا ہے۔
امریکا میں 7.25 لاکھ غیر قانونی بھارتی مقیم ہیں، 2023 میں 51 ہزار بھارتیوں نے امریکا میں پناہ کی درخواست دی، گزشتہ 5 سال کے دوران پناہ کی درخواست دینے والے بھارتیوں کی تعداد میں470 فیصد اضافہ ہوا۔
مودی حکومت کے تحت بھارت میں بے روزگاری خطرناک حدوں کو چھونے لگی، اپریل2025 میں شرح 5.1 فیصد تک جبکہ شہروں میں6.5 فیصد ہو گئی جس سے نوجوان سب سے زیادہ متاثر ہیں۔
معاشی بدحالی اور بے روزگاری کے باعث بھارتیوں کی امریکا ہجرت میں خطرناک حد تک اضافہ ہوا۔
