(ویب ڈیسک)آئندہ مالی سال کا وفاقی بجٹ ساڑھے 17 ہزار سے 18 ہزار ارب روپے تک رہنے کا تخمینہ لگایا ہے۔
دستاویز کے مطابق آئندہ مالی سال کا وفاقی بجٹ ساڑھے 17 ہزار ارب سے 18 ہزار ارب روپے تک رہنے کا تخمینہ ہے، ایف بی آر آئندہ مالی سال کے دوران 14 ہزار 307 ارب روپے جمع کرے گا۔
آئندہ مالی سال کے بجٹ میں ایف بی آر 6 ہزار 470 ارب روپے کے ڈائریکٹ ٹیکس جمع کرے گا، فیڈرل ایکسائز ڈیوٹی کی مد میں 11 سو 53 ارب حاصل ہونے کا تخمینہ ہے۔
سیلز ٹیکس کا ہدف 4943 ارب روپے مقرر کیا گیاہے جبکہ کسٹمز ڈیوٹی کی مد میں 1 ہزار 741 ارب روپے جمع ہونے کا تخمینہ ہے، پٹرولیم لیوی کا ہدف 13 سو 11 ارب روپے مقرر کیا گیاہے۔
دستاویز کے مطابق نان ٹیکس آمدن 2584 ارب روپے کاتخمینہ ہے جبکہ ، صوبے 1220 ارب کا سرپلس دیں گے، آئندہ سال قرضوں پر سودکی ادائیگیوں کیلئے 8 ہزار 685 ارب روپے خرچ کیے جائیں گے، دفاع پر 2 ہزار 414 ارب روپے خرچ کیے جائیں گے۔
یہ بھی پڑھیں: پاکستان اور بھارت کے ڈی جی ملٹری آپریشنز کے درمیان آج پھر رابطہ ہوگا
آئندہ مالی سال کے بجٹ میں ترقیاتی منصوبوں پر 1065 ارب روپے خرچ کرنے کا تخمینہ ہے جبکہ 6 ہزار 588 ارب روپے کا قرض حاصل کرنے کا تخمینہ لگایا گیا ہے۔
