( ویب ڈیسک )پیٹرول اوتر ڈیزل کی بڑھتی قیمتوں سے پریشان عوام کا جینا محال ہوچکا ہے، گاڑیوں کے مالکان بھی پیٹرول، ڈیزل کی بجائے اب الیکٹرک گاڑیوں کو ترجیح دے رہے ہیں، الیکٹرک گاڑی خریدنے والوں کے لئے بڑی خوشخبری یہ ہے کہ پاکستانی مارکیٹ میں انتہائی سسٹی الیکٹرک گاڑیاں آگئی ہیں۔
انوریکس کمپنی نے پاکستانی مارکیٹ کے لیے اپنی پہلی الیکٹرک گاڑی کی قیمتوں کا اعلان کردیا، چینی کمپنی کی جانب سے پہلی الیکٹرک ہیچ بیکXiO EV کی قیمتوں اور تفصیلات کا باضابطہ طور پر انکشاف کردیا گیا ہے۔
انوریکس XiO ایک کمپیکٹ 4 دروازوں والی برقی گاڑی ہے جو چین میں تیار کی گئی ہے۔ یہ 3 مختلف اقسام ( ویریئنٹس) میں پیش کی جائے گی۔ ان گاڑیوں کو شہریوں کی ڈرائیونگ کی مختلف ضروریات کو پورا کرنے کے لیے ڈیزائن کیا گیا ہے۔
یہ بھی پڑھیں :پاکستان کی اہم محاذ پر کامیابی سے ٹیکسٹائل ایکسپورٹرز کی موجیں لگ گئیں
تینوں قسمیں ایک ہی چارج پر بالترتیب 140 کلومیٹر، 220 کلومیٹر اور 320 کلومیٹر کا سفر طے کریں گی۔
الیکٹرک کار XiO 140 کی قیمت 3،499,000 جبکہ بکنگ کی رقم 500،000 روپے مقرر کی گئی ہے، XiO 220 کی قیمت 4،199،000 روپے ، پرومو قیمت 3،999،000 روپے اور بکنگ کی رقم 600،000 روپے رکھی گئی ہے۔
XiO 320 کی قیمت 5،199،000 روپے، پرومو قیمت: روپے 4،999،000 اور بکنگ کی رقم: روپے 700،000 ہے۔
انوریکس کے مطابق XiO EV DC فاسٹ چارجنگ ٹیکنالوجی کو سپورٹ کرتی ہے جس سے بیٹری کو صرف 30 منٹ میں 30 فیصد سے 80 فیصد تک چارج کیا جا سکتا ہے۔
Inverex XiO EV ایک چارج پر 320 کلومیٹر تک فاصلہ طے کرتی ہے، DC فاسٹ چارجنگ (30 تا 80 فیصد چارجنگ آدھے گھنٹے میں)
XiO کی لانچنگ کے ذریعے انوریکس پاکستان کی الیکٹرک گاڑیوں کی مارکیٹ میں اینٹری دے دے گی۔
