(احمد منصور) امریکہ سے غیر قانونی بھارتی شہریوں کا انخلا جاری ہے،ٹرمپ انتظامیہ نے غیر ملکی بھارتی شہریوں کو ملک بدری اور مستقل سفری پابندی کی دھمکی دے دی۔
امریکی سفارتخانہ نے انتباہ جاری کرتے ہوئے غیرقانونی بھارتی شہریوں کی ویزا مدت سے زیادہ قیام پر ملک بدری اور مستقل سفری پابندی جیسے اقدامات اٹھانے کی دھمکی دی ہے۔
امریکی سفارتخانہ نے کہا ہے کہ امریکی سرزمین پر قوانین کی خلاف ورزی برداشت نہیں کی جائے گی اگر کوئی امریکہ میں اپنے ویزا کی مقررہ مدت سے زیادہ قیام کرتا ہے، تو اس کو ملک بدر کیا جا سکتا ہے،مستقبل میں امریکہ کا سفر کرنے پر مستقل پابندی کا سامنا بھی کرنا پڑ سکتا ہے ۔
اعداد شمار کے مطابق امریکہ میں 7.25 لاکھ بھارتی غیر قانونی طور پر مقیم ہیںاور تعداد میں مسلسل اضافہ جاری ہے،2023 میں 51,000 بھارتیوں نے امریکہ میں پناہ کی درخواست دی، گزشتہ 5 سال میں 470 فیصد اضافہ ہوا ہے، مودی کے زیر حکومت بے روزگاری خطرناک حدوں کو چھونے لگی، اپریل 2025 میں شرح 5.1 فیصد تک جا پہنچی،شہری علاقوں میں بے روزگاری 6.5 فیصد، نوجوان طبقہ سب سے زیادہ متاثرہے،معاشی بدحالی اور بے روزگاری کے باعث بھارتی شہریوں کی امریکہ ہجرت میں خطرناک حد تک اضافہ ہوا ہے۔
یہ بھی پڑھیں: ٹرمپ کا غزہ سے 10 لاکھ فلسطینیوں کو لیبیا منتقل کرنے کا منصوبہ
