ڈیجیٹل میڈیا کی نامور مواد تخلیق کار جنت مرزا نے بریک اپ ہو جانے کے بعد ماضی کی تلخ یادوں کو بھلانے کا آسان طریقہ بتایا۔
پاکستان پنجابی فلم انڈسٹری کی اداکارہ و ماڈل جنت مرزا نے حال ہی میں اپنے سوشل میڈیا اکاؤنٹ انسٹاگرام پر ایک ویڈیو شیئر کی۔ اس ویڈیو کے آغاز میں اداکارہ نے خود کو ’لَو گرو‘ قرار دیا۔
جنت مرزا نے مداحوں کو مخاطب کرتے ہوئے کہا کہ اگر کوئی آپ کو دھوکا دیتا ہے یا آپ کے ساتھ کسی بھی معاملے میں برا برتاؤ کرتا ہے تو سب سے پہلے آپ اسے دل سے معاف کردیں، اگر آپ نے معاف نہیں کیا تو آپ زندگی میں کبھی ذہنی طور پر آگے نہیں بڑھ پائیں گے۔
اداکارہ نے مزید کہا کہ یہ بالکل حقیقت ہے۔
حضرت علیؓ کے قول کا حوالہ دیتے ہوئے اداکارہ نے کہا کہ آزمائے ہوئے انسان کو دوبارہ نہیں آزمانا چاہیے۔
جنت مرزا نے مداحوں و صارفین کو مشورہ دیتے ہوئے کہا کہ اگر آپ زندگی میں ’موو آن‘ کرنا چاہتے ہیں تو جس نے بھی آپ کا دل دکھایا ہے تو اسے معاف کر دیں۔
