(ویب ڈیسک) بھارتی پولیس نے ٹریولر اور یوٹیوبر جیوتی ملہوترا کو جاسوسی کےالزام میں گرفتار کرلیا گیا۔
بھارتی میڈیا رپورٹ کے مطابق پولیس نے پاکستان کیلئے جاسوسی کے الزام میں جیوتی ملہوترا کو ریاست چندی گڑھ کے علاقے ہسار سے حراست میں لیا ہے،یوٹیوب چینل ’دیسی۔انڈو۔جو‘ کے نام سے سفری وی لاگز بنانے والے جیوتی ملہوترا کے یوٹیوب پر سبسکرائبر کی تعداد پونے 4 لاکھ سے زائد ہے۔
پولیس حکام کے مطابق تحقیقات میں یہ بات سامنے آئی ہے کہ اُن کی سرگرمیاں بھارتی سلامتی کے خطرہ تصور کی جارہی تھیں۔
بھارتی پولیس حکام نے الزام لگایا کہ جیوتی نے 2023ء میں پاکستان کا دورہ کیا،خاتون وی لاگر نے پاکستانی ایجنٹوں سے واٹس ایپ، ٹیلی گرام اور سنیپ چیٹ جیسے پلیٹ فارمز کے ذریعے معلومات شیئر کیں۔
میڈیا رپورٹس کے مطابق خاتون وی لاگر کے خلاف مقدمہ درج کرلیا گیا ہے جس سے مزید تفتیش جاری ہے۔
یہ بھی پڑھیں: وزیر خارجہ کی ترکش ہم منصب سے ٹیلوفنک گفتگو ، علاقائی صورتحال پر تبادلہ خیال
