کراچی ( اسٹاف رپورٹر)کرنسی مارکیٹ،انٹر بینک میں ڈالر کی قیمت میں 5پیسے اور اوپن مارکیٹ میں15پیسے تک بڑھ گئی،یورو کی قیمت میں 11 پیسے تک کا اضافہ،پاؤنڈ کی قیمت بھی 94 پیسے تک بڑھ گئی،فاریکس ایسوسی ایشن کی جاری کردہ رپورٹ کے مطابق جمعہ کو روپے کے مقابلے پر انٹر بینک میں 5 پیسے کے اضافے سے ڈالر کی قیمت خرید 281.65 روپے سے بڑھ کر 281.70روپے اور قیمت فروخت 281.85 روپے سے بڑھ کر 281.90 روپے ہو گئی ہے ،اوپن مارکیٹ میں ڈالر کی قیمت خرید 15 پیسے کے اضافے سے 282.50روپے سے بڑھ کر 282.65 روپے ہو گئی لیکن قیمت فروخت 283.75 روپے پر برقرار رہی،فاریکس رپورٹ کے مطابق یورو کی قیمت خرید 11پیسے کے اضافے سے 315.85 روپے سے بڑھ کر 315.96روپے اور قیمت فروخت 3 پیسے کے اضافے سے 318.53 روپے سے بڑھ کر 318.56روپے ہو گئی ہے، رپورٹ کے مطابق جمعہ کو برطانوی پاؤنڈ کی قیمت خرید 84پیسے کے اضافے سے 374.67روپے سے بڑھ کر 375.51 روپے اور قیمت فروخت 94پیسے کے اضافے سے 377.76روپے سے بڑھ کر 378.70 روپے ہو گئی۔
