امریکا میں شدید طوفان کے باعث ہونے والے حادثات میں 23 افراد ہلاک ہوگئے ہیں۔
خبر ایجنسی کے مطابق امریکی ریاستوں کینٹکی اور میزوری میں ہوا کے بگولوں اور شدید طوفان نے تباہی پھیلادی ہے۔
میڈیا رپورٹ کے مطابق مختلف حادثات میں 23 افراد ہلاک اور متعدد زخمی ہوگئے جبکہ 3 لاکھ سے زائد صارفین بجلی سے محروم ہیں۔
خبر ایجنسی کے مطابق امریکی ریاستوں میں شدید طوفان سے مکانات کی چھتیں اُڑ گئیں، درخت جڑوں سے اُکھڑ گئے ہیں۔
رپورٹ کے مطابق درجنوں گاڑیوں کو نقصان پہنچا ہے جبکہ لکڑی سے بننے مکانات ملبے کا ڈھیر بن گئے ہیں۔
