امریکی وزیرِخارجہ مارکو روبیو نے کہا ہے کہ روس یوکرین مذاکرات میں بریک تھرو ٹرمپ پیوٹن ملاقات کے بعد ہوسکتا ہے۔
بین الاقوامی میڈیا کے مطابق امریکی وزیرِ خارجہ مارکو روبیو نے کہا کہ وہ آج استنبول میں ترک وزیرِخارجہ، یوکرینی وفد سے ملاقات کریں گے۔
امریکی وزیرِخارجہ نے بتایا ہے کہ امریکی صدر ٹرمپ امن کے قیام تک معاملے کے حل کے خواہاں ہیں۔
مارکو روبیو نے کہا کہ امریکا غزہ کی صورتحال پر پریشان ہے، غزہ میں امداد کے منصوبے کو تنقید کا نشانہ بنایا گیا تاہم امریکا متبادل منصوبے کے لیے تیار ہے۔
انہوں نے مزید کہا کہ امریکا غزہ کے عوام کی تکالیف سے متعلق بےحس نہیں، غزہ کے عوام کو امداد فراہم کر نے کے مواقع موجود ہیں۔
