وفاقی وزیر خزانہ محمد اورنگزیب کا کہنا ہے کہ دنیا پاکستان کے مائیکرو اکنامک استحکام سے مطمئن ہے تاہم ہمیں ملائیشیا کے ماڈل کو اپنانا ہوگا۔
انہوں نے گرین گونگ سکوک تقریب میں ویڈیو لنک سے خطاب کرتے ہوئے کہا کہ آج ملک بھر میں یوم تشکر جوش و جذبے سے منایا جارہا ہے۔
ان کا کہنا ہے کہ گزشتہ روز اسٹاک مارکیٹ بلند ترین سطح پر بند ہوئی۔
محمد اورنگزیب نے بتایا کہ واشنگٹن اور لندن میں سرمایہ کاروں سے ملاقاتیں ہوئیں، دنیا پاکستان کے مائیکرو اکنامک استحکام سے مطمئن ہے۔
وزیر خزانہ نے کہا کہ پاکستان کا پہلا سکوک بانڈ لانچ کر رہے ہیں۔ بجٹ پر کام جاری ہے، اسٹیک ہولڈرز سے مشاورت ہو رہی ہے، وہ بجٹ تجاویز پیش کر رہے ہیں۔
انہوں نے یہ بھی بتایا کہ پاکستان کے لیے ماحولیاتی تبدیلی ایک خطرہ بن چکی ہے، ماحولیاتی اثرات سے نمٹنے کے لیے فنانسنگ پر کام جاری ہے۔
