(ویب ڈیسک)خوبرواداکارہ سارہ عمیرنے ہدایت کار کو سب کے سامنے تھپڑ رسیدکیوں کیاتھا؟اداکارہ نے وجہ بتادی۔
مقامی ٹی وی چینل پرایک انٹرویو کے دوران اداکارہ سارہ عمیر نے بتایا کہ جب شوبز کی دنیا میں نئی نئی آئی تھی تو ڈرامے کی شوٹنگ کے دوران ہدایت کار نے بار بار نامناسب انداز سے چھوا تھا۔
سارہ عمیرنے بتایا کہ سندھ کے ایک دوردراز قصبے میں شوٹنگ کے دوران ہم کھانا کھانے میز پر بیٹھے تھے کہ اچانک ہدایت کار نے میز کے نیچے سے مجھے چھوا جس پر میں ہڑبڑا گئی اور سمجھی یہ غلطی سے ہوگیا ہوگا لیکن پھر بھی میں اس کرسی سے اُٹھ کر میز کی دوسری طرف والی کرسی پر جاکر بیٹھ گئی تھی۔
سارہ عمر نے بتایا کہ میز چھوٹی ہونے کے باوجود ہدایت کار نے انہیں دوبارہ ٹیبل کے نیچے سے چھوا جس پر وہ بہت پریشان ہوئیں،مجھے پہلے لگا تھا کہ ہدایتکار سے شاید غلطی سے ہوا ہوگا لیکن جگہ تبدیل کرنے کے باوجود یہی حرکت کی تو یقین ہو گیا کہ یہ جان بوجھ کر کیا گیا۔
سارہ عمیر نے بتایا کہ اگلے روز شوٹنگ کے دوران وہی ہدایت کار تمام اداکاروں کو ہدایات دیتے ہوئے انہیں نامناسب انداز سے چھو رہا تھا،جب اس نے مجھے بھی نامناسب انداز میں چھوا تو میرا غصہ برداشت سے باہر ہو گیا اور سب کے سامنے ہدایت کار کو تھپڑ جڑ دیا۔
یہ بھی پڑھیں:دوسرے شوہرسے ملاقات اورشادی کیسے ہوئی؟تزئین حسین نےرودادسنادی
سارہ عمیر نے مزید بتایا کہ میں نے اُس ڈرامے میں بھی کام کرنے سے صاف انکارکردیااور وہاں سے چلی گئی تھی۔
اداکارہ سارہ عمیر نے اُس ہدایت کار کا نام نہیں بتایا اور نہ یہ بتایاہے کہ وہ کس ڈرامے کی شوٹنگ کر رہی تھیں۔
