(ویب ڈیسک) 67 ہزارپاکستانی عازمین کو حج کی اجازت دلوانے کی آخری کوشش کے طورپر وزارت مذہبی امور نے سعودی عرب کو خط لکھ دیا۔
پاکستان کی جانب سے نجی حج کوٹہ بحال کرانے کی آخری کوششیں جاری ہیں، وزارت مذہبی امور نے سعودی حکام سے اپیل کرتے ہوئے کہاہے کہ تکنیکی وجہ سے محروم رہ جانے والے عازمین میں اکثریت عمر رسیدہ افراد کی ہے،انہیں حج کی اجازت دے دی جائے۔
ڈائریکٹر حج نے درخواست کی ہے کہ اس مرتبہ پاکستانی عازمین کو حج کی اجازت دیدی جائے، آئندہ سال سے قواعد پر سختی سے عمل کریں گے۔
خط میں مزید کہا گیا ہے کہ سروس پرووائیڈر فیس کی عدم ادائیگی سے 67 ہزار عازمین حج سے محروم رہ گئے، بہت سے عازمین عمر رسیدہ ہیں جن کا درد ناقابل بیان ہے، 67 ہزار عازمین کے مطلوبہ فنڈز سعودی عرب کے پاس ہیں۔
یہ بھی پڑھیں:سعودی عرب میں خود کار گاڑیاں لانچنگ کیلئے تیار
خط میں درخواست کی گئی ہے کہ منیٰ میں بچ جانیوالی کوئی بھی جگہ ہمیں دے دی جائے، آئندہ یقینی بنایا جائے گا کہ نجی شعبہ تمام ڈیڈ لائنز پر مکمل عمل کرے، عازمین کو حج کا موقع دینا اسلامی بھائی چارے کے جذبے کا آغاز ہوگا۔
