(وقاص عظیم)سینیٹ میں قائدا یوان سینیٹر اسحاق ڈار نے کہا ہے کہ ہم عزت و وقار کے ساتھ امن چاہتے ہیں،پاکستان نے کسی کو سیز فائر کیلئے کوئی درخواست نہیں دی ہے،ہم نے جب آپریشن فیز 1 مکمل کرلیا تو کہا گیا بھارت جنگ روکنے کیلئے تیار ہے،کہا گیا کہ جے شنکر کی طرف سے جنگ بندی کا اعلان کردیا گیا۔
قائد ایوان اسحاق ڈار نے سینیٹ میں اظہار خیال کرتے ہوئے کہاکہ میں نے ایک بات کی تھی کہ بھارت جو کرکے گا پاکستان ویسے ہی اس کا جواب دے گا،ہم نے پاکستان کی ایئر سپیس بھارت کی پروازوں کیلئے مکمل بند کردی،تمام ممالک کے ساتھ سفارتی سطح پر رابطہ میں تھے، پوری دنیا نے کہا کہ دونوں ممالک صبر کا مظاہرہ کریں۔
پہلگام واقعہ کے بعد فوری انڈین میڈیا نے پاکستان پر الزام تراشی کرنا شروع کردی،ہم نے ذمہ داری سے بیان دیا کہ ہمارا پہلگام واقعہ سے کوئی لینا دینا نہیں ہے، ہم نے ثابت کیا کہ عالمی دنیا کو بھارت نے غلط بیانی کی ہے، بھارت نے 7 مئی کی رات کو جھوٹ بولا کہ 15 جگہوں پر حملہ ہوا، انہوں نے سکھ کمیونٹی کو اکسانے کیلئے یہ الزامات لگائے،ایک نیا ڈرامہ شروع ہوا کہ ڈرون بھیجنا شروع کردیئے،لگ بھگ 80 ڈرون پاکستان میں پھر رہے تھے،پاکستان فورسز کو اتھارٹی دی گئی کہ اب صبر کے بجائے آپریشن فیز 1 پر عمل کریں ،آرمڈ فورسز کو مخصوص پلان دیا گیا، جس پر عمل شروع ہوگیا،باہر کے ممالک نے بھی تسلیم کیا کہ پاکستان نے بھارت کے سکھوں مقام پر حملہ نہیں کیا۔
قائدایوان نے کہاکہ پاکستان سے کوئی ایف 16 نہیں اڑا، ہم نے دونوں دفعہ خود کا دفاع کرنے کیلئے بھارت پر حملہ کیے،انٹرنیشنل قانون کے مطابق ہم نے فوری طور پر بھارت کو جواب دیا،انٹرنیشنل فورم پر آپ کی کچھ ذمہ داریاں بنتی ہیں،ان کاکہناتھا کہ جعفر ایکسپریس پر بھارت نے تاحال کوئی مذمتی بیان جاری نہیں کیا،ہم نے بین الاقوامی سطح پر کہا کہ لکھیں پہلگام مقبوضہ جموں کشمیر میں واقع ہے۔
یہ بھی پڑھیں:روپے نے ڈالر کی پیشقدمی روک دی،بھاؤ میں کمی ریکارڈ
سینیٹراسحاق ڈار کا کہنا تھا کہ ہم عزت و وقار کے ساتھ امن چاہتے ہیں،پاکستان نے کسی کو سیز فائر کیلئے کوئی درخواست نہیں دی ہے،ہم نے جب آپریشن فیز 1 مکمل کرلیا تو کہا گیا بھارت جنگ روکنے کیلئے تیار ہے،کہا گیا کہ جے شنکر کی طرف سے جنگ بندی کا اعلان کردیا گیا،میری اس دوران چائنہ، ترکی سے بات چیت جاری رہی،بھارت کا بیانیہ نہیں بک سکا،اس تمام تر صورتحال میں انڈیا کا بیانیہ نہیں بنا۔
سینیٹ میں اظہار خیال کرتے ہوئے اسحاق ڈار نے کہاکہ دنیا نے دیکھا جو کہا وہ ثابت ہوا،سیز فائر ساڑھے چار بجے ہوا،یہ گھنٹوں میں بھاگ گئے،ان کاکہناتھا کہ پاکستان کسی کی بالادستی نہیں مانے گا،کچھ پوسٹوں پر انڈیا سفید جھنڈے لہرانے پر مجبور ہوا،کچھ پوسٹس ایسی تھیں جو 1947 سے انھوں نے کبھی نہیں چھوڑی تھیں،وہاں انھوں نے سفید جھنڈا لگا دیا،اب بات ڈائیلاگ پر جائے گی،سیاسی ڈائیلاگ ہو گا،سارے مسائل وہاں زیر بحث ہوں گے۔
سینیٹر اسحاق ڈار نے کہا کہ ہم نے کہا ہے کہ کمپوزٹ مذاکرات ہوں،ملٹری کے تو رابطے ہو رہے ہیں،وزیر اعظم نے کہا ہے کہ جنگ کرنی ہے تو تیار ہیں بات کرنے ہے تو بھی تیار ہیں،کشمیر کو ہڑپ کرنے کے بھارتی اقدام کو کبھی تسلیم نہیں کیا،سندھ طاس معاہدہ پر صدر ورلڈ بنک کا بیان آگیا ہے۔ان کاکہناتھا کہ اس جنگ میں انڈیا کو تقریباً 3 ارب ڈالر کا نقصان پہنچا،ہمارے 40 معصوم شہری،11 فوجی شہید ہوئے 180 زخمی ہوئے،انڈیا سے کوئی خبر نہیں آئی ہوگی کہ کسی شہری کو نقصان پہنچا ہے،شہدا اور زخمیوں کی فوج کے ساتھ ملکر مدد اور کفالت کرینگے،ہم نے انڈیا کی فوج تنصیبات پر حملے کئے۔
یہ بھی پڑھیں:اسلام آباد ہائیکورٹ کی آزادی اور تقدس پر حملہ ناقابل قبول ہے، 5ججز نے تحریری جواب سپریم کورٹ میں جمع کرا دیا
