کشمیر پر ثالثی کی پیشکش کے بعد امریکی صدر ڈونلڈ ٹرمپ نے پاکستان اور بھارت کو کھانے کی میز پر جمع کرنے کی تجویز دے دی اور پاک بھارت جنگ بندی قائم رہنے کی امید کا اظہار بھی کیا۔
سعودی عرب میں خطاب کرتے ہوئے ڈونلڈ ٹرمپ نے کہا کہ ممکن ہے امریکا دونوں ملکوں کے رہنماؤں کو کھانے پر اکٹھا کر لے، دونوں ملکوں کے تعلقات میں بہتری آ رہی ہے۔
انہوں نے دونوں ملکوں کی قیادت سے کہا کہ نیوکلیئر میزائل نہ چلائیں، ان چیزوں کی تجارت کریں جو آپ بہت عمدہ بناتے ہیں، دونوں ممالک کے پاس بہت طاقتور، مضبوط اور ذہین لیڈر ہیں۔
امریکی صدر ڈونلڈ ٹرمپ نے ایک بار پھر دہشت گردی کے خلاف پاکستان کے تعاون کا خیر مقدم کرتے ہوئے کہا ہے کہ پاکستان کی مدد سے افغانستان میں 13 امریکی فوجیوں پر Abbey گیٹ حملے میں ملوث داعش کے دہشت گرد کو پکڑا ہے۔
