پاکستان سپر لیگ (پی ایس ایل) 10 کے میچز کے ٹکٹوں کی آن لائن فروخت شروع ہو گئی۔
اس حوالے سے پاکستان کرکٹ بورڈ (پی سی بی) کا کہنا ہے کہ جن شائقین نے پرانے شیڈول کے مطابق ٹکٹ خریدے تھے وہ انہی پر میچ دیکھ سکتے ہیں۔
پی سی بی کا کہنا ہے کہ نئے شیڈول کے مطابق تمام میچز کے ٹکٹس آن لائن دستیاب ہیں۔
پی سی بی نے بتایا ہے کہ 18 مئی کو راولپنڈی میں ڈبل ہیڈر ڈے پر دونوں میچوں کے لیے 9 مئی کا ٹکٹ استعمال کیا جا سکتا ہے۔
پی سی بی کے مطابق ایلیمینیٹر1، 2 اور فائنل کے ٹکٹ خریدے والے نئے شیڈول کے مطابق انہیں استعمال کر سکتے ہیں۔
