اسلام آباد (محمد صالح ظافر) بنگلہ دیش نے معزول وزیراعظم حسینہ واجد اور ان کی پارٹی عوامی لیگ پر حکومت کی عائد کردہ پابندی پر بھارت کی تنقید کو صریح غیر ضروری قرار دے کر مسترد کردیا اور اسے بنگلہ دیش کے اندرونی معاملات میں مداخلت بے جا قرار دیا ۔ جبکہ بھارت غیر متعلقہ لوگوں کو بنگلہ دیشی قرار دے کر بنگلہ دیش میں داخل کررہا ہے ۔ بنگلہ دیش نے بھارت کو ایسے اقدامات سے باز رہنے کا کہا ہے ۔ بھارت نے حسینہ واجد اور ان کی پارٹی سابق حکمراں جماعت عوامی لیگ پر پابندی پر منگل کو یہاں تشویش کا اظہار کیا ہے ۔
