(24 نیوز)پشاور کی سحرش علی نے اپنی بہن ماہ نور علی کو شکست دے کر یو ایس اے جونیئر ویمن گولڈ سکواش چیمپین شپ جیت لی ہے، سحرش علی نے گولڈ اور ماہ نور علی نے سلور میڈل حاصل کر لیا۔
نیویارک میں منعقدہ چیمپئن شپ کے گرلز انڈر15 ایونٹ کا فائنل علی سسٹرز کے درمیان کھیلا گیا، فائنل میں حیران کن طور پر سحرش علی نے ٹاپ سیڈ ماہ نور علی کو 0-3 سے زیر کرکے فتح حاصل کرلی۔
قبل ازیں سیمی فائنل میں ماہ نور علی نے امریکہ کی ہیلسز سوئیٹ ایم کو بآسانی 0-3 سے مات دی جبکہ سحرش علی نے جولی یی کو 1-3 سے قابو کیا۔
مزید پڑھیں:پشاور زلمی کا پاکستانی پائلٹس کیلئےبڑے انعام کا اعلان
یہ امر قابل ذکر ہے کہ انٹرنیشنل ویمن سکواش میں فتوحات کے جھنڈے گاڑنے والی علی سسٹرز نے آسٹریلین جونیئر ویمن سکواش چیمپئن شپ میں پاکستان کے لیے عظیم کارنامے انجام دیے تھے۔
ماہ نور علی نے جونیئر انڈر 13 ایونٹ جیت کر گولڈ میڈل اپنے نام کیا تھا جبکہ سحرش علی نے انڈر 15 کا فائنل کھیل کر سلور میڈل پایا تھا۔
علی سسٹرز کی سب سے بڑی بہن مہوش علی انڈر 17 ٹائٹل جیت کر گولڈ میڈل حاصل کرنے میں کامیاب رہی تھیں
