(ویب ڈیسک)سندھ ہائیکورٹ کے آئینی بینچ نے منشیات کیس میں معروف اداکار ساجد حسن کے بیٹے ملزم ساحر حسن کی درخواست ضمانت منظور کرلی۔
ہائیکورٹ کے آئینی بینچ کے روبرو منشیات کیس میں معروف اداکار ساجد حسن کے بیٹے ملزم ساحر حسن کی درخواست ضمانت کی سماعت ہوئی،وکیل صفائی نے مؤقف دیا کہ ملزم کو دو ماہ سے زائد ہوگئے جیل میں ہیں۔
عدالت نے ملزم ساحرحسن کی 10 لاکھ روپے کے مچلکے کے عوض ضمانت منظور کرلی۔
لارجر بینچ نے ملزم ساحر حسن کی درخواست ضمانت آئینی بینچ کا دائرہ سماعت قرار دے دیا تھا،ملزم ساحر حسن عدالتی ریمانڈ پر جیل میں ہے اوراس سے 5 سو 57 گرام ویڈ گانجا برآمد ہوا تھا۔
یہ بھی پڑھیں:ایف ایم ریڈیوزسے بھارتی گانے نشرکرنے پرپابندی کافیصلہ
اس سے قبل گزشتہ ماہ ملزم ساحر حسن کیخلاف منشیات برآمدگی کیس میں کراچی سینٹرل جیل جوڈیشل کمپلیکس میں جوڈیشل مجسٹریٹ کراچی جنوبی شہزاد خواجہ کی عدالت میں تفتیشی افسر نے مقدمے کا عبوری چالان پیش کیا تھاجس پر عدالت نے ملزم کو مقدمے کی نقول فراہم کرتے ہوئے معاملہ سیشن عدالت کو بھیجا تھا۔
