(بابر شہزاد ترک)ڈرگ ریگولیٹری اتھارٹی نے جعلی امپورٹڈ دوا کی فروخت پر ایکشن لیتے ہوئے فوری طور پر امراض خون کے جعلی انجکشن روہپیلک کی سیل و استعمال پر پابندی لگا دی۔ڈرگ ریگولیٹری اتھارٹی نے روہپیلک انجکشن کا ریپڈ الرٹ جاری کر دیا ہے۔
ڈریپ الرٹ میں کہا گیا ہےکہ روہپیلک ہیومن اینٹی ڈی ایمیونوگلوبولن کی دوا ہے، روہپیلک انجکشن سوئس کمپنی سی ایس ایل بیہرنگ کا تیارکردہ ہے،ڈرگ کنٹرول ڈیپارٹمنٹ پنجاب نے جعلی روہپیلک انجکشن کی اطلاع دی ہے، ملک بھر کی میڈیسن مارکیٹ میں جعلی روہپیلک انجکشن دستیاب ہے،روہپیلک انجکشن کا بیچ 100669751 P جعلی ہے، روہپیلک انجکشن سیمپل کے لیبل پر جعلی تفصیلات درج ہیں،جعلی روہپیلک انجکشن لیبل پر سی ایس ایل سوئٹزرلینڈ کا پتہ درج ہے، سٹیریلیٹی ٹیسٹ میں روہپیلک انجکشن غیر معیاری قرار پایا ہے، اینٹی ڈی ایمیونوگلوبولن کمرشل بائیولوجیکل اینٹی باڈی ہے، اینٹی ڈی ایمیونوگلوبولن انسانی خون کے پلازمہ سے لیا جاتا ہے،اینٹی ڈی ایمیونوگلوبولن مریض کے سرخ خلیات ٹارگٹ کرتا ہے، روہپیلک ایمیون تھرمو سائیٹوفینک پرپرا نامی مرض کی دوا ہے ،جعلی انجکشن کا استعمال انتہائی مضر صحت ہو سکتا ہے، جعلی ادویات کا معیار اور افادیت غیر واضح ہوتی ہے۔
ڈرگ ریگولیٹری اتھارٹی نے نیشنل ریگولیٹری فیلڈ فورس کو مارکیٹ سرویلنس بڑھانے کی ہدایت کرتے ہوئے کہا ہے کہ ریگولیٹری فورس مارکیٹ سے روہپیلک انجکشن کا جعلی بیچ ضبط کرے۔فارمیسیز روہپیلک انجکشن کے جعلی بیچ کی سیل فوری ترک کریں،ڈاکٹرز اور مریض روہپیلک انجکشن کا متاثرہ بیچ استعمال نہ کریں۔ڈرگ ریگولیٹری اتھارٹی , جعلی انجکشن ,روہپیلک , سیل و استعمال ,پابندی ,24 نیوز
یہ بھی پڑھیں: بلوچستان میں ٹیوب ویلز سولرائزیشن منصوبہ ، کسانوں کی معاشی حالت بہتر بنائے گا، اسحاق ڈار
