(ویب ڈیسک)بھارتی شہر اندور میں شادی کی تقریب کے دوران بجلی غائب ہونے پر دولہانے غصے میں آگ بگولاہوگیااور سب کے سامنے دلہن کی پٹائی کر دی۔
انڈین میڈیا کی رپورٹس کے مطابق بنگنگا میں شادی کی تقریب کے دوران دلہن والے بارات کا انتظار کر رہے تھے،جیسے ہی دولہا ہیمنت کیتھواس نے انٹری دی تواچانک بجلی چلی گئی جس کے بعددلہن والوں نے بجلی بحال کرنے کیلیے متبادل انتظامات کرنا شروع کیے،تاہم دولہا اور باراتیوں کا پارہ ہائی ہوگیا۔
باراتیوں اوردلہن والوں کے درمیان جھگڑا اس قدر شدید ہوگیا کہ باراتیوں نے دلہن والوں کو مارنا شروع کر دیا اور ہر چیز توڑ دی،واقعہ کاعلم ہونے پرپولیس کی نفری موقع پر پہنچ گئی لیکن اس وقت تک بارات وہاں سے واپس لوٹ گئی تھی۔
دلہن نےاس موقع پر پولیس کو بتایا کہ اس کی شادی ہیمنت کیتھواس سے طے تھی، بارات رات 10 بجے گھر پہنچی تو اہل خانہ نے تمام مہمانوں کا استقبال کیا اور انہیں کھانا بھی کھلایا،ایک موقع پراچانک بجلی چلی گئی تو گھر والے اسے بحال کرنے کی کوشش میں لگ گئے لیکن دولہے والوں نے ہنگامہ کھڑا کر دیا، انہوں نے پہلے تلخ کلامی کی اور پھر تشدد کا نشانہ بنایا۔
یہ بھی پڑھیںپریانکا چوپڑہ کی ہالی ووڈ فلم”ہیڈز آف اسٹیٹ” کا ٹریلر جاری:
دلہن کے مطابق دولہا اور اس کے گھر والوں نے مجھے، میرے اہل خانہ اور بیچ بچاؤ کیلیے مداخلت کرنے والوں پربھی تشدد کیا اور شادی منسوخ کر کے واپس روانہ ہوگئے۔
پولیس حکام کے مطابق دلہن کی شکایت پر ملزمان کے خلاف مقدمہ درج کر لیاگیاہے جس میں دولہا ہیمنت کیتھواس بھی نامزد ہے،معاملے کی تحقیقات اور ملزمان کو گرفتار کرنے کی کوشش کی جارہی ہے۔
