(ویب ڈیسک)پاکستان اور عالمی مارکیٹ میں سونے کی قیمت میں مسلسل اضافے کے بعد بڑی کمی ہوگئی۔
آل پاکستان صرافہ اور جیولرز ایسوسی ایشن کی جانب سے جاری کردہ اعداد و شمار کے مطابق پاکستان میں سونے کی فی تولہ قیمت 4200 روپے کی کمی کے بعد تین لاکھ 52 ہزار 700 روپے ہوگئی ہے جبکہ دس گرام سونا 3601 روپے سستا ہوکر تین لاکھ 2 ہزار 383 روپے کا ہوگیاہے۔
رپورٹ کے مطابق عالمی مارکیٹ میں سونے کی قیمت میں 42 ڈالرکی کمی ہوئی جس کے بعد نرخ 3343 ڈالر پر آگئے ہیں۔
یہ بھی پڑھیں:تعلیمی اداروں میں چھٹیوں کا اعلان
اعداد و شمار میں بتایا گیا ہے کہ پاکستان میں چاندی کی فی تولہ قیمت 65 روپے کمی کے بعد 3417 روپے اور عالمی مارکیٹ میں فی اونس 0.65 ڈالر سستی ہوکر 32.35 ڈالر ہوگئی۔
واضح رہے کہ تین روز کے دوران سونے کی فی تولہ قیمت میں 14 ہزار 700 روپے کا اضافہ ہوا تھا ۔
دوسری جانب اپریل کے مہینے میں پاکستان میں سونے کی قیمت میں مجموعی طور پر فی تولہ 20800 روپے اور عالمی سطح پر فی اونس 195 ڈالر کا اضافہ ریکارڈ کیا گیا تھا۔
