(ویب ڈیسک)سعودی عرب نے 2025ء کے لیے بین الاقوامی طلبہ کو مکمل فنڈڈ اسکالرشپس دینے کا اعلان کر دیا۔
اس سکالرشپ سکیم کے تحت پاکستان سمیت دنیا بھر کے طلبہ ”Study in Saudi Arabia“ پلیٹ فارم کے ذریعے پبلک یونیورسٹیوں میں بیچلر، ماسٹرز اور پی ایچ ڈی ڈگری پروگرامز کے لیے درخواست دے سکتے ہیں۔
رپورٹ کے مطابق درخواست دہندگان کو انفرادی یونیورسٹیوں میں الگ سے درخواست دینے کی ضرورت نہیں ہے،اس کے بجائے وہ سعودی عرب میں مذکورہ پلیٹ فارم سے براہ راست اپنے پسندیدہ ادارے کا انتخاب کر سکتے ہیں، درخواست دینے کا عمل مکمل طور پر مفت ہے۔
یہ بھی پڑھیں:پاک بھارت ڈی جی ایم اوز آج ہاٹ لائن پر اہم رابطہ کریں گے
تمام قومیتیں درخواست دے سکتی ہیں،کم از کم عمر 16 سال ہونی چاہیے،اس کے علاوہ درست پاسپورٹ کی کم از کم چھ ماہ کی میعاد ہونی چاہیے،مالی قابلیت یا مالی ضمانت کا ثبوت درکار ہوگا،18 سال سے کم عمر کے درخواست دہندگان کے پاس سرپرست سے تحریری رضامندی ہونی چاہیے،طبی رپورٹ میں متعدی بیماریوں کی عدم موجودگی کی تصدیق کی جائے گی،درخواست کے لیے درست طبی انشورنس بھی درکار ہوگی۔
اس سکالرشپ کے لیے اپلائی کرنے کا طریقہ بھی آسان ہے ،اہل طلباء سعودی عرب میں سرکاری پلیٹ فارم پر جا کر بیرونی سکالرشپ پروگرام کے لیے درخواست دے سکتے ہیں،اس پلیٹ فارم پر وہ اپنی مطلوبہ یونیورسٹی کا انتخاب کر سکتے ہیں اور آن لائن درخواست مکمل کر سکتے ہیں۔
