(ویب ڈیسک)ایکسچینج ایسوسی ایشن آف پاکستان نے کہا ہے کہ جنگی حالات میں حکومت کو ایک ارب ڈالر دینے کی صلاحیت رکھتے ہیں۔
بھارت کے ساتھ کشیدگی کی موجودہ صورتحال پر اپنے بیان میں چیئرمین ایکسچینج ایسوسی ایشن آف پاکستان نے کہا کہ پاک بھارت کشیدگی سے امریکی ڈالر کی قیمت میں کوئی اضافہ نہیں ہوا۔
ملک بوستان نے کہا کہ جنگی حالات میں حکومت کو ایک ارب ڈالر فراہم کرنے کی صلاحیت رکھتے ہیں،اسٹیٹ بینک نے ایکسچینج ریٹ کو مستحکم رکھنے کے لیے گزشہ 2 سال میں9ارب ڈالر خریدے ہیں۔
انہوں نے کہا کہ ایکسچینج کمپنیوں نےگزشتہ سال انٹربینک مارکیٹ کو6 ارب ڈالردیئے،حکومت چاہے تو ترسیلات زر ماہانہ 4 ارب ڈالر سے بڑھ کر 8 ارب ڈالر ہوسکتاہے، ڈالر کی اصل قیمت 250 روپے ہے مگر آئی ایم ایف کے دباؤ اور ایکسپورٹرز کی وجہ سے مزید کم نہیں کیا جارہا۔
یہ بھی پڑھیں:فوجی عدالتوں میں سویلینز ٹرائل کو غیر آئینی قرار دینے کا فیصلہ کالعدم قرار
انہوں نے مزید کہا کہ حکومت جلد ایکسچینج کمپنیوں کو پی آر آئی سسٹم سے منسلک کردے گی،ایکسچینج کمپنیاں انٹربینک مارکیٹ کو یومیہ تقریباً 20 سے25 کروڑ ڈالر ادا کررہی ہیں۔
