پاک فضائیہ نے بھارتی فضائیہ کو ناکو چنے چبوا دیے، جس کے بعد ایئر وائس مارشل اورنگزیب احمد سوشل میڈیا پر چھاگئے۔
خیال رہے کہ بھارت کی جانب سے 7 مئی کی رات پاکستان پر فضائی حملہ کیا گیا تھا جس کا پاکستان نے بروقت اور موثر جواب دیا اور رات کی تاریکی میں میزائل حملوں میں معصوم شہریوں کو نشانہ بنانے والے بھارت کے 5 جنگی طیارے پاک فضائیہ نے مار گرائے، جس میں جدید طرز کا فرانسیسی جنگی طیارہ بھی شامل ہے۔
ان طیاروں کے گرنے کی تصدیق بین الاقوامی میڈیا اور خود طیارہ بنانے والی فرانسیسی کمپنی نے بھی کر دی۔
طیاروں کے گرنے کی خبر جوں ہی سوشل میڈیا کی زینت بنی وہیں پوری قوم پاک افواج کے گُن گانے لگی، بالخصوص توجہ کا مرکز ایئر وائس مارشل اورنگزیب احمد رہے۔
سوشل میڈیا پر صارفین نے مانوں ان کی تعریفوں کے پُل باندھ دیے، یکے بعد دیگرے میمز کی بھر مار ہونے لگی اور دیکھتے ہی دیکھتے ایئر وائس مارشل اورنگزیب احمد 83 ہزار سے زائد پوسٹس کے ساتھ سوشل میڈیا پر ٹرینڈ کرنے لگے۔
ایئر وائس مارشل نے گزشتہ روز اپنی بریفنگ شروع کی تو آغاز پاک فضائیہ بمقابلہ بھارتی فضائیہ کے اسکور 6 صفر سے کیا، جس پر صرف پاکستانی خواتین ہی نہیں بلکہ حضرات بھی ایئر وائس مارشل کی روسٹنگ کے ہنر کے دیوانے ہوگئے اور انہیں پارٹ ٹائم پائلٹ تو فل ٹائم روئسٹر قرار دے دیا۔
اورنگزیب احمد نے پریس بریفنگ میں جب رافیل کی تعریف کی تو صارفین نے ان کے الفاظ پکڑ لیے اور کہا کہ اورنگزیب احمد نے واضح الفاظ میں کہا کہ رافیل طیارہ اچھا ہے اسے اُڑانے والے ناتجربے کار ہیں۔
بریفنگ کے دوران صرف ان کے اندازِ بیان کی ہی نہیں بلکہ ان کی پریزنٹیش کی بھی خوب تعریف ہوئی بعض صارفین نے تو یہاں تک کہا کہ اگر اورنگزیب احمد لیکچر دیں تمام طلبہ کی جی پی اے 4 آئے گی جبکہ صارفین کے مطابق اب پاک فضائیہ کے رشتوں کی ڈیمانڈ میں اضافے کی پیش گوئی بھی کی گئی۔
پاک بھارت جنگ میں جہاں جیت سیز فائر (جنگ بندی) ہوئی وہیں صارفین نے بھارتی افواج کی پریس بریفنگ کے کلپ کو پاک افواج کی پریس بریفنگ کے ساتھ شیئر کیا اور پاک افواج کے چہروں پر موجود اطمینان اور بھارتی فوجی افسران کے چہروں پر موجود پریشانی دیکھ کر کہا، “صاف واضح ہے جیت کس کی ہوئی اور ہار کس کی۔”
