واٹر اینڈ پاور ڈویلپمنٹ اتھارٹی (واپڈا) نے ملک میں دریاؤں میں پانی کی صورتِ حال سے متعلق رپورٹ جاری کردی۔
واپڈا کے ترجمان کے مطابق دریائے سندھ میں تربیلا کے مقام پر پانی کی آمد1لاکھ31 ہزار 100 اور اخراج 82 ہزار کیوسک ہے، دریائے جہلم میں منگلا کے مقام پر پانی کی آمد 52 ہزار 400 اور اخراج 32 ہزار کیوسک ہے۔
واپڈا کے ترجمان نے بتایا کہ چشمہ بیراج میں پانی کی آمد1 لاکھ 43 ہزار 800 اور اخراج 1 لاکھ 14ہزار کیوسک ہے، دریائے چناب میں ہیڈ مرالہ کے مقام پر پانی کی آمد 33 ہزار 100اور اخراج 13ہزار 700 کیوسک ہے جبکہ دریائے کابل میں نوشہرہ کے مقام پر پانی کی آمد 44 ہزار 700 اور اخراج 44 ہزار 700 کیوسک ہے۔
واپڈا کے ترجمان کے مطابق تربیلا ڈیم میں پانی کی سطح1459.21 فٹ ہے اور پانی کا ذخیرہ 13 لاکھ 86 ایکڑ فٹ ہے جبکہ منگلا ڈیم میں آج پانی کی سطح 1142.30 فٹ اور پانی کا ذخیرہ 14 لاکھ 18 ہزار ایکڑ فٹ ہے۔
واپڈا کے ترجمان نے بتایا کہ چشمہ ریزر وائر میں پانی کی سطح 647.10 فٹ اور ذخیرہ 2 لاکھ17 ہزار ایکڑ فٹ ہے۔
واپڈا کے ترجمان کے مطابق تربیلا، منگلا اور چشمہ ریزر وائر میں قابل استعمال پانی کا مجموعی ذخیرہ 30 لاکھ21 ہزار ایکڑ فٹ ہے۔
