(ویب ڈیسک)یہ کسی سائنس فکشن فلم سے کم نہیں مگر ایک کمپنی نے اسے حقیقت بنا دیا ہے۔
جی ہاں واقعی ایک کمپنی نے سٹار وارز فلموں سے متاثر ہوکر ایسی موٹرسائیکل تیار کی ہے جو اڑ سکتی ہے۔
پولینڈ کی کمپنی وولوناٹ کے مطابق ائیر بائیک دنیا کی پہلی ہوور بائیک ہے جو اپنی طرز کی منفرد سواری ہے۔
کمپنی نے بتایا کہ اس موٹر سائیکل کا ڈیزائن سٹار وارز فلموں میں دکھائی جانے والی سپیڈر بائیکس سے بہت زیادہ ملتا ہے۔
ائیر بائیک کے حوالے سے ابھی کافی تفصیلات جاری نہیں کی گئیں مگر کمپنی نے اسے آسمان کیلئے سپر بائیک قرار دیا ہے۔
یہ بھی پڑھیں:بادل جم کر برسیں گے، محکمہ موسمیات کی اہم پیش گوئی
وولوناٹ کے مطابق ائیر بائیک کو جیٹ propulsion کے ذریعے پاور فراہم کی گئی ہے۔
اس میں ایک ایسا سسٹم موجود ہے جو فلائٹ کمپیوٹر کی مدد سے خودکار پرواز میں مدد فراہم کرتا ہے اور اسے چلانے والے کے لیے اسے کنٹرول کرنا آسان ہو جاتا ہے۔
کمپنی نے بتایا کہ موٹر سائیکل کا موجودہ ورژن کئی ماہ کی سخت محنت کا نتیجہ ہے جس کے دوران متعدد بار ناکامیوں کا سامنا بھی ہوا۔
اس کی پرواز کی کامیاب آزمائش بھی کی گئی ہے مگر کمپنی کی جانب سے پروڈکشن ماڈل کی تیاری کے وقت اور قیمت کے بارے میں ابھی کچھ نہیں بتایا گیا۔
جیٹ propulsion کو طیاروں کے لیے استعمال کیا جاتا ہے۔
کمپنی نے بتایا کہ یہ ایسی سواری ہے جو فلائنگ مشین کے طور پر کام کرے گی جبکہ یہ کسی روایتی موٹر سائیکل کے مقابلے میں 7 گنا زیادہ ہلکی ہوگی کیونکہ اس کی تیاری کے لیے کاربن فائبر میٹریل استعمال کیا گیا ہے۔
یہ بھی پڑھیں:عمران خان کی پیرول پر رہائی کی درخواست, اسلام آباد ہائیکورٹ سے اہم خبر آ گئی
