نئے منتخب ہونے والے پوپ لیو XIV رابرٹ پری ووسٹ نے پہلے اجتماع سے خطاب کیا ہے۔
غیر ملکی خبر ایجنسی کے مطابق اپنے پہلے خطاب میں پوپ رابرٹ پری ووسٹ نے کہا ہے کہ پورے کیتھولک چرچ کےلیے ایک دیانت دار منتظم بننے کی امید رکھتا ہوں۔
ان کا کہنا ہے کہ امید ہے کہ میرا انتخاب کیتھولک چرچ کو دنیا کی تاریک راتوں میں روشنی لانے میں مدد دے سکے گا۔
نو منتخب پوپ لیو نے مزید کہا ہے کہ چرچ کو اپنی شناخت اپنے ارکان کے تقدس سے کرنی چاہیے نہ کہ اس کی عمارتوں کی عظمت سے۔
انہوں نے یہ بھی کہا ہے کہ ان علاقوں تک پہنچنا چاہیے جہاں ایمان کی کمی ہے اور جہاں لوگ ٹیکنالوجی، پیسے، کامیابی یا طاقت کو ترجیح دیتے ہیں۔
واضح رہے کہ گزشتہ روز رابرٹ پری ووسٹ کیتھولک مسیحیوں کے نئے پوپ منتخب کر لیے گئے۔
ویٹیکن سٹی میں نئے پوپ کا انتخاب کم از کم 4 مرتبہ کی ووٹنگ کے بعد ہوا ہے۔
