ترجمان امریکی محکمۂ خارجہ ٹیمی بروس نے پاکستان اور بھارت کے درمیان جنگ بندی معاہدے کے حوالے سے اظہارِ خیال کیا ہے۔
ایک بیان میں ان کا کہنا ہے کہ پاک بھارت جنگ بندی معاہدے میں مارکو روبیو اور جے ڈی وینس نے واضح فرق ڈالا۔
امریکی محکمۂ خارجہ کے ترجمان ٹیمی بروس نے کہا ہے کہ یہ جنگ بندی امریکی حکومت کی جانب سے صدر ٹرمپ کے وژن اور بصیرت پر عمل درآمد کا نتیجہ ہے۔
انہوں نے کہا ہے کہ پچھلے 47 گھنٹے طویل رہے لیکن ہمارے کام کے مقصد میں رہے، اس دوران دونوں ممالک کے وزرائے اعظم سمیت کئی اعلیٰ حکام سے کئی مرتبہ ٹیلی فونک رابطے ہوئے۔
ٹیمی بروس نے یہ بھی کہا ہے کہ ہم مزید رابطوں کو ممکن بنانے کے لیے پُرامید ہیں، امید ہے کہ مزید بات چیت مؤثر طریقے سے آگے بڑھا سکیں گے اور یہ سلسلہ جاری رہے گا۔
