ایمریٹس کرکٹ بورڈ نے بھارت کی درخواست یہ کہہ کر مسترد کر دی کہ پاکستان پی ایس ایل کے میچز کروانے کی بات کرچکا ہے۔
ذرائع کے مطابق بھارت نے آئی پی ایل دبئی میں کروانے کےلیے گزشتہ روز اماراتی کرکٹ بورڈ سے رابطہ کیا۔
جس کے جواب میں بتایا گیا کہ پاکستان کرکٹ بورڈ کے چیئرمین محسن نقوی کی پی ایس ایل کے میچز دبئی میں کروانے کی بات ہو چکی تھی۔
ذرائع نے بتایا کہ ایمریٹس کرکٹ بورڈ (ای سی بی) کو پی سی بی میچز کی منتقلی کے حوالے سے بتا چکا تھا اور بھارتی بورڈ کے رابطہ کرنے پر بتایا گیا کہ پاکستان پہلے رابطہ کر چکا ہے۔
8 مئی کی رات کو پی سی بی نے دبئی میں میچز کروانے کےلیے تمام معاملات طے کر کے رات گئے اعلان کیا تھا۔
بھارت کو دبئی کا وینیو نہ ملنے پر آئی پی ایل کو غیر معینہ مدت کےلیے ملتوی کیا گیا۔
بھارتی میڈیا رپورٹس کے مطابق اب بھارتی بورڈ ستمبر میں آئی پی ایل کی ونڈو دیکھ رہا ہے، کیونکہ ستمبر میں آئی پی ایل کروانے کی صورت میں ایشیا کپ کا انعقاد مشکل ہوگا۔
