کراچی (اسٹاف رپورٹر)گولڈ مارکیٹ، سونے کی قیمت میں800روپے فی تولہ کا اضافہ تفصیلات کے مطابق عالمی مارکیٹ میں سونے کی قیمت 8ڈالر فی اونس کے اضافے سے3377ڈالر سے بڑھ کر3385ڈالر فی اونس ہو گئی ہے ،عالمی مارکیٹ میں اضافے کی وجہ سے مقامی مارکیٹ میں بھی سونے کی قیمت 800روپے فی تولہ کے اضافے سے3لاکھ 56ہزار 900روپے فی تولہ اور 10گرام سونے کی قیمت684روپے کے اضافے سے3لاکھ 5ہزار984روپے ہو گئی ہے، تاہم چاندی کی قیمت 3482روپے فی تولہ پر برقرار رہی۔
