کراچی (اسٹاف رپورٹر) پانچ ٹیموں کا نیشنل ویمنز ٹی ٹوئنٹی ٹورنامنٹ بدھ سے کراچی میں شروع ہورہا ہے ۔ فاتح ٹیم کو 15 لاکھ جبکہ رنرز اپ کو 10 لاکھ روپے ملیں گے۔ پہلے روز قومی ون ڈے چیمپئن اسٹارز کا مقابلہ اسٹرائیکرز سے نیشنل بینک اسٹیڈیم جبکہ اوول گراؤنڈ پر کانکررز کا مقابلہ انونسیبلز سے ہوگا۔ پوائنٹس ٹیبل پر دوسرے اور تیسرے نمبر پر آنے والی ٹیمیں 22 مئی کو کوالیفائر میں آمنے سامنے ہوں گی جس میں فاتح 24 مئی کو نیشنل اسٹیڈیم میں فائنل میں ٹاپ رینک ٹیم سے مقابلہ کرے گا۔
