کراچی(اسٹاف رپورٹر ) پریذیڈنٹ ٹرافی گریڈ ٹو کرکٹ ٹورنامنٹ میں جے ڈی ڈبلیو اور پی ایچ اے راولپنڈی کے درمیان نیشنل کرکٹ گراؤنڈ اسلام آباد میں کھیلے جانے والے تین روزہ میچ کے دوسرے دن کا کھیل جمعرات کی بارش اور گیلی کنڈیشنز کے سبب ممکن نہ ہوسکا اور امپائرز نے سہ پہر تین بجے کھیل ختم کرنے کا اعلان کیا۔یاد رہے کہ میچ کے پہلے دن بھی خراب روشنی کی وجہ سے صرف59 اوورز کاکھیل ممکن ہوسکا تھا جس میں پی ایچ اے راولپنڈی نے اپنی پہلی اننگز میں 9 وکٹوں پر 220 رنز بنائے تھے۔
