گزشتہ ماہ سعودی عرب میں مختلف وزارتوں کے 358 اہلکاروں کو شک کی بنیاد پر ریمانڈ پر تحویل میں لے لیا گیا۔
سعودی عرب کی اینٹی کرپشن اتھارٹی کے مطابق مشکوک افراد کا تعلق وزارتِ داخلہ، دفاع، انصاف، تعلیم، بلدیات و ہاؤسنگ اور پانی و زراعت سے ہے۔
اینٹی کرپشن اتھارٹی کا کہنا ہے کہ بدعنوانی، رشوت خوری اور عہدے کا غلط استعمال کرنے پر 140 سعودی شہریوں اور غیرملکیوں کو بھی تحقیقاتی ریمانڈ پر حراست میں لیا گیا۔
اینٹی کرپشن اتھارٹی کے مطابق بعض کو ابتدائی تحقیقات کے بعد ضمانت پر رہا کر دیا گیا ہے جبکہ باقی اہلکاروں کے خلاف تحقیقات جاری ہیں۔
یاد رہے کہ 2023 میں بھی سعودی عرب میں کرپشن کے الزامات ثابت ہونے پر 134 سرکاری ملازمین کو گرفتار کیا گیا تھا۔
سعودی عرب کی انسدادِ بدعنوانی اتھارٹی نے درجنوں ملازمین سے تفتیش کی تھی، جن میں وزارتِ داخلہ، دفاع، انصاف اور صحت کے ملازمین سے شامل تھے۔
